TEDxAUC - Amr Mohamed - The Untitled Talk

أفكارنا

الفارق الجوهرى بين البشر

إيه الفرق بينى و بينك 

تعالى نشوف ..

فكرت كثيرا فى هذا السؤال و لم أجد له اجابة واضحة ، ألا و هو

ما الشئ الذى يفرق شخص عن الآخر ؟

و طبعا هتقولى البيئة مثلا : هقولك طيب لو حطينا الاثنين فى نفس البيئة

هتقولى الأب و الأم : هقولك طب لو حطينا الاثنين فى نفس البيئة الأسرية

هتقولى الأصحاب : هقولك طب لو خلينالهم نفس الأصحاب

هل هيطلعوا الاثنين نفس الشخصية ؟

لو كانت الاجابة : اه ، يبقى الانسان مجبر تماما

و لو كانت الاجابة : لا ، يبقى ايه الشئ الجوهرى ده اللى بيفرق الشخص عن التانى ؟؟؟

طيب هقولك حاجة تانى : مثلا لو اثنين فى عيلة كلها حرامية ، هتلاقى واحد يطلع حرامى وواحد يرفض ، طب ليه ؟؟

هتقولى العقل : طيب ما التانى برده عنده عقل ، ايه اللى فرق يعنى ، الارادة : طيب ايه اللى خلى ده عنده ارادة و ده لا ؟

رأيى : أن هناك شئ جوهرى هو اللى بيفرق بين واحد و التانى ، لكن ايه هو أو اسمه ايه مش عارف  

ثانيا : بعد البحث الطويل توصلت الى بعض النتائج الهامة لكنى أيضا لم أصل الى حل

•  ان الانسان هو نتيجة لعوامل اجتماعية و فسيولوجية مجبر عليها و غير متحكم فيها تماما 

• يظل الانسان متلقى و مجبر مسير للعوامل المحيطة به حتى يصل الى مرحلة ما ، يكتمل فيها و عيهو يمتلك ارادة و يتبنى طريقة تفكير ؛ مع الاعتبار انه وصل الى هذه المرحلة نتيجة لكل ما سبق .

•  لو الانسان اتصرف فى موقف ما أو اختار اختيار معين من اختيارات الحياة فأن هذا التصرف أو الاختيار بيبقى نتيجة بناء شخصيته اللى هى اتكونت نتيجة الأسباب الاجبارية اللى اتكلمنا عليها فوق .

مع التقدم فى البحث و جدت أن الانسان فى بعض الأحيان يكون لديه القدرة على الاختيار، بس برضه ايه اللى يخلى انسان يختار و انسان لا ، يعنى بتيجى منين القدرة دى ؟

و أود أن أطرح السؤال بطريقة أخرى كى أوضح وجهة نظرى

أين الشئ أو الفعل الذى يتصرف فيه الانسان بصورة حرية كاملة ؟

أنا .. من غير عنوان

فتحت عينى على دنيا مليانة حواديت

فيها ناس بترغى كتير و ناس بتكتب تويت

بصيت أنا حواليا و قلت فين البيت

ردت عليا الحياة قالتلى كان غيرك أشطر ياريت

فضلت أمشى و أجرى و ألف كتير و نطيت

فى حضن عيشة عشتها لا عرفت ألاقى مركب و لا رسيت

سيبتنى من ايدى و تهت فى بحر كبير غويط

ما انا اللى عملت كدة فى نفسى و يأست بسرعة و عكيت

و قلت ما أنا مسيرى هلاقى أو حتى ملاقيش و كيت و كيت و كيت

و فجأة وقفت و قلت لأ كدة كفاية أنا إستكفيت

مش كل مرة هطاطى و أنام و أزهق و أرجع أقول ياريت

ووقفت من تانى و قومت و شبيت

و مش هسيب حاجة أبدا تكسرنى و رجعت تانى قويت

ملعون أبو اليأس على الإحباط دى حاجات كلها بنت تيييت

و من ساعتها و أنا شاب جامد و قوى و شديد